📅 Апрель 2025-жыл
📍 Кемин району
Жаз-жай айларынын келиши менен шаар тургундары жана калаа коноктору тоолорго жана токойлорго эс алууга көп барышат. Бирок, 2025-жылдын жаз мезгили башталгандан бери токойлордо өрт кырсыктары көбөйүүдө. Акыркы эки ай ичинде тоолуу аймактарда алты жолу өрт кырсыгы катталды.
🔥 Урматтуу шаар тургундары жана коноктору!
Сиздерден чоң өтүнүч — өрт коопсуздугунун эрежелерин так сактаңыздар!
Өрт коркунучунун сезонунда токойдо төмөнкүлөргө тыюу салынат:
- Күйүп бүтө элек ширеңкенин чийин же тамекинин калдыгын таштоого;
- Аңчылык учурунда тез от алуучу материалдарды колдонууга;
- Токойго бензин куюлган же майга сиңген чүпүрөктү таштоого;
- Автомашинанын кыймылдаткычы иштеп жатканда күйүүчү май куюуга;
- Айнектин же бөтөлкөнүн сыныктарын таштоого;
- Кургак чөп бар жерде от жагууга;
- Дарактын алдындагы чөптү, талаадагы же токойдогу чөптү өрттөөгө.
Эсиңиздерде болсун:
🔥 Өрт — тилсиз жоо!
🔥 Эң негизгиси — өрт кырсыгынын алдын алуу!
